Am 31.01.2024 hät et Kölsche Dreijesteen et Kölsche Finanz- un Verwaltungsjereech besök. De Präsident vum Finanzjereech, Benno Scharpenberg, un de Präsidentin vum Verwaltungsjereech, Birgit Herkelmann-Mrowka, empfingen dat Schmölzje mit Kölsche Tön, öm och die Kölsche Justiz fröh genog op die Zick af Wieverfastelovend enzostemme. Sing Tollität Prinz Sascha I. (Sascha Klupsch), Sing Deftigkeit Buur Werner (Werner Klupsch) un Ihre Lieblichkeit Jungfrau Frieda (Friedrich Klupsch) betraten zom eetste Mol d'r Appellhoff ze Kölle dürch d'r historische Haupteingang am Appellhoffplatz. Donoh erhielte die drei, die dies Johr vun d‘r KG Treuer Husar Blau-Gelb vun 1925 e.V. kumme, dann ihre Urkunden zom „Reechter am Appellhof“ bzw. „Reechterin am Appellhof“. Zusätzlich üvverjove de Präsidente däm Dreijesteen en Spend en d’r Hüh vun 555,55 €, die de Lück vum Jereech gesammelt hatte. Dat Dreijesteen unterstütz dies Session d'r Verein "Kleine Hilfe Köln e.V." ehrenamtlich. För die Spend und die Ehrung bedankten sich die drei met enem Leedcher un all die Lückscher schunkelten met. Dat Schmölzje zog donoh unger vill Applaus wigger zom nächste Termin.
Dreimol ens vun Hätze: Kölle Alaaf! Schön dat ihr do wart!